Wednesday, April 27, 2011

පෙම් කවක්

පද කිසිත්
නැති
හිස්
කොලයකි
තුඩ කැඩුනු
පැන්සලක්
ඇති

Saturday, April 16, 2011

වෙනස

ගිය අවුරුද්දේ
අපි
මේ පාර
නුඹයි මමයි
ලබන සැරේ
නුඹයි ඔහුයි
මමයි ඇයයිද?

Wednesday, April 13, 2011

හිස් බව

හිස් වෙලා
මගේ මුළු
ලෝකයම
නුඹත් නැතිව
මට මාත්
නැතිව

Tuesday, April 12, 2011

අතරමංවීම

අතරමං වෙලා
පාර කියන්නට
මග දන්න
කෙනෙක් නැතුව
මම මගේම
ජීවිතය තුල

Monday, April 11, 2011

අවුරුද්ද

බැරිද
නුඹට
ආයේ එන්න
අවුරුද්දට
ආදරේ තෑග්ගට
අරගෙන

Friday, April 1, 2011

ඈත

ආදෙරන් හිත
පිරිලා ඉතිරිලා
යද්දි
නුඹ ගිහින්
දෙපා වත්
නොතෙමෙන තරම් දුරට

Tuesday, March 29, 2011

නිවස

නුඹත් සමග
අනාගත සිහින මැවූ
නිවස තුල
කෙසේ ඉන්නද
ඇයත් සමග

Monday, March 28, 2011

විකාර

විකාරයක්වත්
නොසිතෙන තරමට
විකාර වූ
මගේ සිත

Sunday, March 27, 2011

පාලුව

මිතුරු හමු
මදුවිත
කිසිවකින්
නොසිඳෙන
නුඹ නොමැති
පාලුව

Tuesday, March 15, 2011

Communication

නුඹේ පණිවිඩ මට නොතේරුනි
මගේ පණිවිඩ නුඹට නොතේරුනි
අපේ පණිවිඩ අපිට නොතේරුනි
දැන් හොඳටම දුරය අපි

Motor Show

අනු සතු වාහන
තමන් සතු මෙන්
සිප වැළඳ
දිගට හරහට ෆොටෝ ගෙන
පෙන්නන්න ලෝකයට

Sunday, March 13, 2011

සතුට

නුඹ මගේත්
මම නුඹේත්
අපි අපේත්
නොවුනා නම්
නුඹයි මමයි
තවම සතුටින්

Friday, March 11, 2011

බුද්ධදාසි

පෙම් කරමි
නුඹ හට
ඇලුම් නොකරන බව
දැන දැනත්
කිසිවෙකුටත් නුඹ

Tuesday, March 8, 2011

පාළුව

නිදහසක් දැනුනාට
හිතෙන විට බොන්න ලැබුනාට
සති අන්තේ ගෙදර හිටියාට
ටෙලිෆෝන් බිල ඉතුරු උනාට
රැ කලින් නිදා ගත්තාට
කන්පිරෙන්න බැනුම් නැති උනාට
නුඹ නැතුව පාලුයි මට

Monday, March 7, 2011

පසුතැවීම

නාඳුනන ඒ නෙතු
හඹා ගිය මා නෙතු
සිහි කලේ මා සිතට
නොබැලූ බව
මගේම වූ ඒ නෙතු

Sunday, March 6, 2011

බාධකය

ඇගේ නෙත
මගේ නෙත
අතර වූ
උගේ අත

Thursday, March 3, 2011

ආයෙත්

හැකිනම්
අරඹන්න
සියල්ල
මුළ සිට
සියළු වැරදි
මගහැර

Wednesday, March 2, 2011

නුඹ එනවානම්

නුඹ මට කෙතරම්
අවැසිදැයි
කිසිවෙකුත් නොදනියි
මා හැර මේ ලොව
සියල්ල හැරදමමි
නුඹ එනවානම්
ආපසු
මා වෙත......

දුක

කෙසේ දරන්නද
මේ දුක
හැකිනම්
අරඹන්න
සියල්ල
මුල සිට

හුදකලාව

අහිමි වූ ඔබ
සොයා ඒමට
කාලය පැමිණ ඇත

Monday, February 28, 2011

සපත්තුව

නුඹ දමාගිය
නුඹේ සපත්තුවමත
ගල් ගැහුණු මගේ
සිත
අරමුණක් නැති
අනාගතය

සමුගැනීම

කාලය පැමින ඇත
සමුගන්න
ඔබෙන් නොව
මගෙන්
මා හටම

Friday, February 25, 2011

අහන්න

මමත් මනුස්සයෙකි
කෙසෙ ඉවසම්ද
නුඹ පවසන විට
මට නුඹ අහිමිකල
ඔහු ගැන මතක

මරණය

ආසයි මට දකින්න
පෙට්ටියේ වැතිරුණු
මගේම මළ කඳ
පාවෙමින් අහස් කුස

Wednesday, February 23, 2011

පශ්චාත් මරණ පරීක්ෂණය

කුමට
පශ්චාත්
මරණ පරීක්ෂණ
මියැදුණු
අපගේ
ප්‍රේමයට

Tuesday, February 22, 2011

පිණි

උදැසන
පරවවැටුන
පිණි තැවරුන
සේපාලිකා මලකි
මගේ ප්‍රේමය
සුවඳවත්
නමුත් පරවුනු

ප්‍රේමය

වදන් කල නොහැක
නුඹට ඇති ප්‍රේමය
නොලැබෙන නිසා
කවමදාවත්

නිදිකුම්බා

කෙතරම් රළු උනත්
දෙපයට දැනෙන
සියුම් කටු වල
වේදනාව
සිතට දැනෙන
නුඹ ගැන
මතක

Wednesday, February 16, 2011

ආදරය

සිත තුල
ඉපදී
සිත තුල
මිය යන
වදනට
නොනැගෙන

Monday, February 14, 2011

දුක

පෙනහළු පුරවන සිගරට් දුම්
බඩවැල් හරහා යන ගල් අරක්කු
කිසිවක් නිසා නොනිමෙන
නුඹ ගැන ඇති පිච්චෙන මතක

Sunday, February 13, 2011

සැමරුම

හුදකලා සැමරුමක්
වසර ගනනකට
පසු
ඇය නැතුව

Saturday, February 12, 2011

සුභ පැතුම්

නුඹ නොමති කල
කුමට මේ
සුභ පැතුම පත

Friday, February 11, 2011

විකාර

ජීවිතයම විකාරයක්
වූ සඳ
යතාර්ථයට තැනක්
කොයින්ද

එක වදනක්

නුඹේ
එකම එක වදනක්ට
සුවපත් කල හැක
මගේ මුළු ලෝකයම

Thursday, February 10, 2011

විශ්වාසය

ඉස්මුරුත්තාවට පෙවූ රහස්
විශ්වාසයේ මුඛවාඩමෙන් බැඳ
සිරකරන් සිත තුල
වද විඳින මගේ ගත

රහස්

කෙතරම් දරුණුද යත්
කීමට නොහැක
කිසිවෙකුටත්

අනාගතයේ විපතක්
ගෙනදේ සිතට
ශෝකයක්

අනියම්

නුඹෙන් නොලදිමි
ඇගෙන් ලදිමි
කියාපන් මම
කෑවද තහනම්
ගහේ ගෙඩි

Tuesday, February 8, 2011

ශෝකය

නිල් අහස
දිලිසෙන හිරු මඩල
වැහිබර මගේ සිත

දුක

කෙසේ ඉවසම්ද
නුඹ මට
අහිමි බව දැන දැන

ආසාව

ලැබෙන දේවල්
මේතරම් තියෙද්දි
නොලැබෙන
දේම
හිත ඉල්ලන

ගුණවැයුම

කෙසේ ඉවසම්ද
නුඹේ මුවින්
ගැයෙන්
උගේ වැයුම්

Monday, February 7, 2011

අවුල

කියාගන්න බැරි
මටද නොතේරේන
හිතේ ඇති අවුල
ඔබද?

වෙනස

සොයමින්
ආදරය
සහ ප්‍රේමය
අතර

සමුගැනීම

ආසයි මට
මියැදෙන්නට
නොමැති
කල
ජීවිතයට
බලාපොරොත්තුවක්
හෙට ගැන

Sunday, February 6, 2011

වල්මත්වීම

නුඹ
අහිමි කල
වල්මත්වී ඇත
මා
මගේම
ජීවිතය තුල

Thursday, February 3, 2011

ඊරිසියාව

දැනුනා මට
ආදරේ බව
හැඟුනුවිට
මට වඩා ඌට
නුඹ

Wednesday, February 2, 2011

ආයෙත්

ලැබුනොත්
ජීවිතය
අත නොහරිමි
කිසි දිනෙක

අහිමිවීම

එදා වගේම
අදත්
සීතලයි
ඒත්
නුඹ නැහැ
මන්ගාව

තුන්වෙනියා

ඇවිත් මැද්දට
පැරැද්දුවා
මාව
අහිමි විය
මට
මගේ
ජීවිතය

මංගල යෝජනාව

ඉරිදා පත්තරේ
පුංචි තීරුවක
බොරු දාහකින්
විකිනෙන මම

විඳින්න

වැස්සයි
සීතලයි
මීවිතයි
ජීවිතෙයි

Monday, January 31, 2011

නොපැතූ ලෙස

නොසිතුවෙමි කිසි දිනක
දැවේ සිත මේ තරම්
හමුවේ මරණය
වනතුරු ඔබ අහිමි

හුදකලාව

නුඹ නැති පාළුව
දරාගත නොහැකිය
අවැසිය නුඹ වෙත
නැවත එන්නට
නිවාලන්නට
හිත දවන ශෝකය

Sunday, January 30, 2011

Photo

සිටගෙන
පසුපසින්
මළ කුණකට
ගසයි තරඟයට
බලා ගන්නටද
පසුව ආතල්

Thursday, January 27, 2011

මට අඬන්නට ඇවසියි

නුඹත් මමත්
ලේ නෑයින් නොවුනද
නුඹේ මව්පියන් මට මගේම
සොයුරු සොයුරියන් වැනිය
ජීවිතය පුරාවට
මරණයන් හමුවේ
කඳුලක් හෙලා ඇති නම්
ඒ ඔවුන් වෙනුවෙන් පමණි
ඔබේ සමුගැන්ම දරාගනු කෙලෙස
දයාබර පුතනුවනි
නුඹට නිවන් සුව පතමි

ඇනෝනිමස්

නැතිනම් කාටවත්
කරදර
කුමට හිමි කරුගේ
වතගොත
නොසොයා කවුද
යනවග
බලන් ලියා ඇති
විකාර

Wednesday, January 26, 2011

අහිමිවීම

අහිමි වනතුරු
නොදැනුනි
නුඹ
මෙතරම්ම
වටිනා බව

මරණය

කිසිවෙකු ගේ
මරණය
හමුවේ නොසැලුනු
මා
මරණය හමුවේ සිටින
ඔබ
හමුවේ සසැලී ඇත
ඔබට ඉක්මන් සුව පතමි!!!

Monday, January 24, 2011

වෙනස

හැමෝම
එක වගේ නම්
මම වෙනස් යැයි
නුඹට
නොදැනෙනු ඇති

Sunday, January 23, 2011

බෝතලය

කුමක් කරන්නද
දුකට සැපට
සැමදා ලඟ සිටිය
බෝතලය
නුඹට වඩා
ලොකුයි මට

කපුකම

බොන අය ගැන
නුඹේ අදහස
අපොයි මම කැමති නැහැ
මම බොනවා
එතනින්ම ඉවරයි
කපුකම

පැතුම

නොබොන කොල්ලන්
සොයන කෙල්ලන්
බැඳපු කොල්ලන්
වේවා අමු බේබද්දන්

Saturday, January 22, 2011

වෙන්වීම

Package එක
Disconnect කලාට
තාම Incoming Calls එනවා
ඒකත් නවතීවී
සදහටම
ලඟදීම්

Thursday, January 20, 2011

එයා

නොදන්නවා උනත්
මට ඉන්න හැකි වුවත්
යාළුවෝ හැලුවත්
නෑයන්ට ගැලපෙයිද

අනාගතය

නුඹ සිටියා නම්
මෙතරම්
අවිනිශ්චිත බවක්
නොදැනෙනු ඇති
සිතට

පාලුව

බැණ අඬගහගන්න හරි
නුඹ සිටියා නම්
මෙතරම්
පාළුවක්
නොදැනෙනු ඇති
සිතට

Wednesday, January 19, 2011

මගුල් කපුවා

තෝරගන්න
පිංතූරෙකින්
නිදිවදින්න
හොඳ කෙල්ලෙක්

Monday, January 17, 2011

වෙරිමත

ජීවිතේ සුන්දරද
මෙතරම්
වෙරි
හිඳෙනකම්

Sunday, January 16, 2011

අහිමිවීම

ගල්වෙලා
මගේ සිත
සීතලට නොව
නුඹ නැති
ශෝකයට

අහිමිවීම්

විදූ සමග තනි උනාම
දනුනා
මට
නුඹ මා ලඟ
නොමැති වග

Wednesday, January 12, 2011

ආදරේ

සුන්දරයි
අපි
අපේම
නොවනතුරු

Monday, January 10, 2011

ගුණ කථන

ඉන්නකම් මොන
ජඩ වැඩ කලත්
මළහම
හිමිවරුම ඇවිත් දේසන

ඕනේ

සීතලට
උණුසුම් වෙන්නත්
රස්නේ වෙලාවට
සිසිල් වෙන්නත්
මට නුඹව
ඕනේ

Sunday, January 9, 2011

ලෝක විනාසේ

කමක් නැහැ
කොහොම හරි
වෙනවනම්
දෙදාස් දෙලහැදී

ඩ්‍රැයිවින්

මම ඇරෙන්න
පාරේ යන
හැම එකාම
බූරුවෝ

පොත්

නොදනීම ඇවිත්
පඩි පතට
තට්ටු කරන

අන්තර්ජාලය

පොත් එක්ක හරි පාරේ ගිය
මම
නුඹ නිසා
වල්මත් වෙලා දැන්

හුදකලාව

සුන්දර හුදකලාව
වනසන
රුදුරු
අන්තර්ජාලය

පච්චය

ඌ කොහොමද දන්නේ
උඹේ පපුවේ
සමනලයෙක්
ඉන්න බව

සීතල

හොඳටෝම සීතලයි
ඒත් නුඹ නැහැනේ
මා ගාව
උණුසුමක් ලබන්නට

හති

මට හොඳටෝම හති
හිතලා
හිතලා
හිතලාම
නුඹ ගැන

මගේ කවි

ගැබ්බර කවි සිත
බිහිකරන කවි පද
අංග විකල වූවද
උන් මට මගේමය

Sunday, January 2, 2011

සුහද හමුව

මහ පිරිසක්
වටකරගෙන
දුර එකෙක්
සමග
දුරකතනයේ
එල්ලීගෙන

Saturday, January 1, 2011

මාරු කාසි

අපි ගාවත් නැති
උන් ගාවත් නොමැති
පිං කැට පුරවාගෙන
දෙවියෝ ගනුදෙනු කරති

සුභපැතුම්

ජංගමයයි
ජංජාලෙයි
නොමැති කාලේ
මතක නැහැනේ
සුභ පැතුවද
නව වසරට

චූටි චූටි

නිතර නිතර
ලඟම නිසා
වැඩියෙන්ම
හිතට දැනෙන
හැඟිම්
චූටි චූටි
සිත්
රිදීම්

එසේම වේවා!!!

කියලම එපා වෙන
මේලෝ හැඟීමක් නැති
එසේම වේවා!!!

Photo Tagging

මූණු පොතේ
කක්කුස්සි වලකට
මාව ටැග් කරලා
Notification එනවා
Thanks for tagging me bro
කියලා

හුදකලාව

ජංගමයයි
ජංජාලෙයි
ඇවිත්
නසන
මගේ සොඳුරු
හුදකලාව